Måndag 14. november 2022 hadde dagleg leiar i Sunnmøre Regionråd Jan Kåre Aurdal møter på Stortinget med Olaug Bollestad og Per Vidar Kjølmoen. Bollestad er partileiar i KrF og medlem av Helse- og omsorgskomiteen, medan Per Vidar Kjølmoen (Ap) er representant frå Møre og Romsdal og andre nestleiar i Næringskomiteen.

Aurdal tok opp saka om statleg lånegaranti til fullfinansiering av utbygging av Ålesund sjukehus. Det vert jobba frå fleire hald for å få eit flertall på Stortinget til å få garantien på plass. Dessverre ser det ikkje så lyst ut då regjeringa stoppar all ombygging/renovering på alle sjukehus. Ein veit likevel ikkje kva som skjer i budsjettforhandlingane mellom regjeringa og SV. Desse forhandlingane er no i gang og vil vare utover i november.

Aurdal tok også opp saka om tilskot til Runde Miljøsenter og Atlanterhavsparken. Regjeringa
foreslår i framlegg til Statsbudsjett for 2023 å stryke dei øyremerka tilskota (kap. 1420 post 85 Besøkssenter for natur og verdensarv) frå Klima og miljødepartementet til Runde Miljøsenter (5,5 mill. kr.) og Atlanterhavsparken i Ålesund (1,1 mill. kr.)

Sunnmøre Regionråd har skrive ein uttale og klart uttrykt forventning om at tilskota kjem med i endeleg budsjettvedtak. Aurdal fekk signal om at tilskota til Atlanterhavsparken og Runde Miljøsenter kan bli vidareført, men at det ikkje er avklart.