PCI (utblokking) er ein teknikk som vert brukt for å utvide tronge område i hjartet sine kransarterier. Behandlinga blir brukt ved hjarteinfarkt.

Sunnmøre regionråd krev etablering av PCI-tilbod ved Ålesund sjukehus. Grunnen til det er at innbyggarane i Møre og Romsdal i dag står utan eit likeverdig akuttmedisinsk tilbod samanlikna med Trøndelag og andre delar av landet.

I samarbeid med Foreningen Sjukehuset Vårt har vi starta underskriftskampanjen Hjarte for Møre og Romsdal der nærare 11 000 personar har skrive under til no. Lenke til kampanjen finn ein her.

På bildet: Styreleiar i Sunnmøre regionråd Kenneth Langvatn overrekker 10 510 underskrifter til støtte for etablering av PCI-tilbod ved Ålesund sjukehus til styreleiar i Helse Møre og Romsdal HF Herlof Nilssen.