Representantskapsmøte nr. 3-26

Innkalling i pdf finn du her.

Fjord kommune: varaordførar Lars Kristian Øvrebust

Giske kommune: varaordførar Marit G. Alnes

Hareid kommune: varaordførar Oskar Grimstad

Haram kommune: varaordførar Siv Katrin Ulla Hagala

Herøy kommune: ordførar Ann-Kathrin Storøy

Sande kommune: ordførar Dag Vaagen

Stranda kommune: ordførar Einar Arve Nordang

Sula kommune: ordførar Turid Humlen (leiar)

Sykkylven kommune: ordførar Olav Harald Ulstein (nestleiar)

Ulstein kommune: ordførar Stian Skorgen Scheide

Vanylven kommune: ordførar Paul Sindre Vedeld

Vestnes kommune: ordførar Randi Bergundhaugen

Volda kommune: varaordførar Sverre Leivdal

Ørsta kommune: ordførar Per-Are Sørheim

Ålesund kommune: politikar Anne Berit Støyva Emblem                                                                                     

Innkalling til representantskapsmøte nr. 3-2026

Dato: 18. september 2026                                                       
Tid: kl. 10.00-14.00
Stad: Quality Hotel Ålesund

Sak 10/26: Godkjenning av innkalling.
Ved leiar av representantskapet Turid Humlen

Forslag til vedtak: Innkallinga blir godkjend. 

Sak 11/26: Godkjenning av saksliste. Saker til eventuelt.
Ved leiar av representantskapet Turid Humlen

Forslag til vedtak: Sakslista blir godkjend. 

Sak 12/26: Val av to personar til å underteikne protokollen saman med møteleiar
Ved leiar av representantskapet Turid Humlen

Signering skjer digitalt.

Forslag til vedtak: … og … blir valde til å underskrive protokollen saman med møteleiar.

Sak 13/26: Orientering om Stad skipstunnel
Ved Sveinung Nedregotten, Kystverket

Det blir gitt ei orientering om siste utvikling i saka om Stad skipstunnel og planane vidare.

Forslag til vedtak: Representantskapet tek orienteringa til vitande.

Sak 14/26: Status for omstilling i regionrådet
Ved styreleiar Kenneth Langvatn og dagleg leiar Sverre Øvrelid Steen

Representantskapet vedtok 29. april å redusere budsjettet med 14 prosent i 2026, tilsvarande ein heilårseffekt på 31 prosent frå 2027.

Det blir orientert om status for gjennomføringa av omstillinga.

Forslag til vedtak: Representantskapet tek orienteringa til vitande.

Sak 15/26: Arena Sunnmøre 2026
Ved dagleg leiar Sverre Øvrelid Steen

Dagleg leiar presenterer tentativt tema, tidspunkt og innleiarar.

Forslag til vedtak: Representantskapet tek orienteringa til vitande.

Sak 16/26: Arendalsuka 2027
Ved leiar av representantskapet Turid Humlen og dagleg leiar Sverre Øvrelid Steen

«Regionrådet skal søke samarbeid for å etablere ein attraktiv møteplass for sunnmørsregionen under Arendalsuka, frå og med 2026.», står det å lese i strategien til regionrådet.  

I møte nr. 4-25 signaliserte representantskapet at det er ønskeleg at regionen er tilstades under Arendalsuka. Ein lukkast ikkje med dette i 2026, sjølv om det var konkrete initiativ på gong.

I møte blir det gjort greie for status og moglege løysinger i 2027.

Forslag til vedtak: Representantskapet tek orienteringa til vitande.

Sak 17/26: Orientering frå dagleg leiar

Ved dagleg leiar Sverre Øvrelid Steen

Dagleg leiar orienterer om arbeidet som er gjort i regionrådet den seinare tida og kva som er planlagt framover, m.a knytt til samferdsel og omstillinga og økonomien i helseføretaket.

Forslag til vedtak: Representantskapet tek orienteringa til vitande.

Sak 18/26: Høyringsinnpel til «Den nye velferdskommunen»
Ved dagleg leiar Sverre Øvrelid Steen

NOU-en er på høyring og kan lesast her. Fristen er 20. september. Det er utarbeidd eit forslag til uttale:

«Sunnmøre regionråd støttar hovudretninga i NOU 2026:6 Den nye velferdskommunen. Demografiske endringar, mangel på arbeidskraft og aukande behov for kommunale tenester gjer det nødvendig å arbeide på nye måtar. Førebygging, innovasjon, betre bruk av kompetanse og meir samarbeid vil vere avgjerande for å sikre berekraftige velferdstenester i åra framover.

Kommunane på Sunnmøre har ulik storleik, geografi og føresetnader. Eit sterkt lokalt sjølvstyre og rom for lokale tilpassingar må liggje til grunn for den vidare utviklinga av velferdstenestene. Samstundes kan frivillig samarbeid mellom kommunar gi betre tilgang til kompetanse, større fagmiljø og meir effektiv utvikling og deling av løysingar. Statlege verkemiddel bør derfor leggje til rette for slike samarbeid der kommunane sjølve vurderer at det er tenleg.

Regionrådet støttar etableringa av eit praksisnært program og betre system for å spreie og ta i bruk løysingar som fungerer. Programmet må vere langsiktig, føreseieleg og enkelt å ta i bruk, også for små og mellomstore kommunar. Opptrappinga må gi kommunane reelt større kapasitet til omstilling og utvikling, og må ikkje finansierast på ein måte som reduserer kommunane sine frie inntekter og lokale handlingsrom.

Regionrådet meiner samtidig at forslaget om å leggje forvaltninga av programmet til Statsforvaltaren bør vurderast nærare. Ei slik ordning må sikre tydeleg kommunal medverknad og eigarskap, og ikkje føre til at støtte til innovasjon og utvikling blir kopla for tett til Statsforvaltaren si rolle som tilsyns- og kontrollorgan.

Sunnmøre regionråd støttar utvalet si vurdering av at kommunane i dagens situasjon ikkje bør få ytterlegare oppgåver overførte frå spesialisthelsetenesta. Dersom ansvar eller oppgåver blir endra, må nødvendige økonomiske ressursar, kompetanse og rammevilkår følgje med. Dette er også i tråd med utvalet si eiga vurdering om at kommunane no ikkje bør få nye oppgåver frå spesialisthelsetenesta.

Framtidas velferdstenester må utviklast lokalt, med rom for samarbeid der dette gir betre tenester, sterkare fagmiljø og meir effektiv ressursbruk.»

Forslag til vedtak: Sunnmøre regionråd avgir høyringssvar til NOU 2026: 6 «Den nye velferdskommunen», slik det går fram av saka.

Sak 19/26: Høyringsinnpel til utviklingsplanane for Helse Møre og Romsdal og Helse Midt-Norge
Ved dagleg leiar Sverre Øvrelid Steen

I samarbeid med dei andre regionråda og sekretariatet i Helsefellesskapet er det utarbeidd forslag til felles uttale frå kommunane i fylket. Faglinja er ivaretatt gjennom involvering av kommunalsjefane for helse.

I forslaget til uttale er det lagt opp til ein overordna, politisk inngang, i tråd med dei politiske initiativa som regionråda og kommunane har fronta dei seinare åra.

Sidan ein ikkje rekk politisk behandling i dei enkelte kommunane, så er målet å samlast om ein felles politisk inngang, med spesifikke avslutningar tilpassa høvesvis HMN og HMR. I tillegg kan dette sendast som eit samla innspel, med to delar. Ein politisk og ein fagleg.

• Utkastet til den politiske utsegna som bind det saman ligg her: https://sunnmoreregionrad.no/wp-content/uploads/2026/09/Hoyringssvar-til-Utviklingsplan-HMR-HMN-2027-2030_v1.0.pdf
• Utkastet til felles faglege høyringsinnspel til den regionale planen ligg her: https://sunnmoreregionrad.no/wp-content/uploads/2026/09/Utkast_felles-horingsinnspill_Regional_utviklingsplan_HMN_2027-2040_08.09.26.pdf
• Utkastet til felles faglege høyringsinnspel til utviklingsplanen for HMR ligg her: https://sunnmoreregionrad.no/wp-content/uploads/2026/09/Utkast_felles-horingsinnspill_Utviklingsplan_HMR_2027-2030_08.09.26.pdf

Forslag til vedtak: Sunnmøre regionråd avgir høyringssvar til utviklingsplanane for høvesvis HMN og HMR i tråd med saka. Administrasjonen bedast gjere naudsynte redaksjonelle endringar og sende dette til rette mottakarar, med medlemskommunane på kopi.

Sak 20/26: Val av nytt styre
Ved Einar Arve Nordang, leiar i valnemnda

Valnemnda legg fram innstillinga si i møtet.

Forslag til vedtak: Representantskapet vedtar styret for perioden 2026-2027, i tråd med valnemnda si innstilling. Styret blir som følgjer:

Sak 21/26: Eventuelt

Med venleg helsing

Turid Humlen, leiar for representantskapet                                                                  Sverre Øvrelid Steen, dagleg leiar                                       

Kopi:
Styret i Sunnmøre regionråd
Kommunedirektørane i medlemskommunane